នៅថ្ងៃទី០៥ ខែមេសា ឆ្នាំ២០២០ វេលាម៉ោង១៣:៣០នាទី ដោយមានការសហការរបស់នាយកដ្ឋានប្រឆាំងបទល្មើសបច្ចេកវិទ្យា ការរិយាល័យប្រឆាំងបទល្មើសបច្ចេកវិទ្យា និងកម្លាំងប៉ុស្តិ៍បឹងព្រលឹតនៃអធិការដ្ឋាននគរបាលខណ្ឌ៧មករា បានធ្វើការនាំខ្លួនឈ្មោះ សេង ឌី ភេទប្រុស អាយុ២៩ឆ្នាំ ជនជាតិខ្មែរ ជាម្ចាស់ផេកឈ្មោះ "អូខេ បោះដុំគ្រឿងក្មេងលេង" ដែលបានផុសព័ត៌មានមិនពិត (លក់វ៉ែនតាការពារវីរុសកូវីដ១៩) ដែលមានទីលំនៅបច្ចុប្បន្នផ្ទះលេខ ១៩០៩ ផ្លូវជាតិលេខ៥ ភូមិក សង្កាត់ច្រាំងចំរេះ ខណ្ឌឬស្សីកែវ រាជធានីភ្នំពេញ។ នេះបើយោងតាមទំព័រហ្វេសប៊ុកផេកស្នងការដ្ឋាននគរបាលរាជធានីភ្នំពេញ។បន្ទាប់ពីបានសារភាពកំហុសរួច សមត្ថកិច្ចបានធ្វើការណែនាំអប់រំ និងធ្វើកិច្ចសន្យារួច នៅវេលាម៉ោង ១៦:០០នាទី សមត្ថកិច្ចក៏បានអនុញ្ញាតឲ្យត្រឡប់ទៅលំនៅស្ថានវិញ៕SS